गजल

अविरल अधिकारी
हेटौंडा- मकवानपुर


आठै ग्रह साथमा हुँदा शत्रु रह्यो शनि
तिमी आइनौँ मेरो मनमा औँसी भयो अनी



बर्षातमा आकाश ढाक्ने कालो बादल आज
टल्केकोछ तिम्रोसामु चाँदनीझैँ बनी


तिमी आउने बाटो हेर्दै कल्पनामा डुब्दै
कयौँ रात बितेकाछन् तारा मात्र गनी


सागरझैँ उर्लिदैछ रहरहरू मनमा
बाधिँराखौँ कैलेसम्म तिम्रै लागि भनी


विश्वासको डोरी छिनाइ टाढा हुँदा आज
रुँदारुँदै आजभोलि सुक्यो आँसु पनि